|
Studiante di Colegio EPI A yuda traha foyeto di departamento di Asunto Social |
|
|
|
Studiante Sherrylou Maduro di Colegio EPI Unidad Salubridad & Servicio a yuda traha foyeto di departamento di Asunto Social
Colegio EPI ta masha orguyoso di e contribucion di su studiante Sherrylou Maduro kende a yuda desaroya e foyeto “Bo sa unda bo yiu ta?” di departamento di Asunto Social.
Durante su pasantia e studiante, kende awor ta un graduado den Trabou
na Bienestar Social (Social Pedagogisch Werker), a bin cu e idea pa
traha un foyeto cu ta yuda mayornan cu puntonan di importancia den
comportacion di nan yiu y con pa atende cu esaki. Sra. Julie Merencia
di Departamento di Asunto Social a sostene Sherrylou su idea di biaha y
asina a cuminsa cu e proceso di desaroyo di e foyeto.
Colegio EPI y problemanan cu hoben na scol
Colegio EPI ta duna opleidingen na nivel profesional intermedio (MBO) na hobenan cu a caba sea EPB doorstroom, Mavo y Havo.E hobenan na Colegio EPI tin un edad promedio di 19 pa 20 aña. Colegio EPI su mision ta pa forma studiantenan profesional y cu personalidad y pa logra esaki mester tin un bon guia na scol pa tanto docente y studiantenan.
Na Colegio EPI ta encontra cada aña mas studiantenan cu problema ariba terreno social emocional y tambe financiero. Por ehempel mamanan hoben soltera.
Pa yuda e hobenan aki nos ta hasi uso di e asina yama zorgstructuur den cual un hoben cu ta wordo detecta door di e decano cu algun problema ariba terreno entre otro social/emocional of financiero ta wordo guia den un trayectoria individual pa asina yudanan mastanto posibel pa termina nan estudio.
Den e cuadro aki nos tin vacaturanan cu ta wordo yena cu extra maatschappelijk werkster kende lo guia e studiantenan aki durante nan temporada na scol. Den caso di problemanan mas severo lo pasa e studiantenan aki pa departamento di Asunto Social.
Di e manera aki Colegio EPI ta salvaguardia cu studiantenan den necesidad di ayudo tambe por wordo guia y termina nan estudio cu exito.
 
|
Nieuws