Colegio EPI

Pa forma profesionalismo y personalidad

Nieuws

UA, IPA y EPI ta organisa Feria di Educacion y Salud 2015

by
webmaster

Diasabra dia 7 di november Universidad di Aruba (UA), Instituto Pedagogico Arubano (IPA) y Educacion Profesional Intermedio (EPI) ta organisa Feria di Educacion y Salud. Feria di Educacion y Salud ta un actividad pa informa comunidad di Aruba di diferente estudio y curso cu Aruba y Corsou tin pa ofrece.  E feria aki ta tuma luga na YMCA San Nicolas (Pastoor Hendrickstraat) y ta di 10or di mainta pa 5or di atardi. Entrada ta completamente gratis.

404 Not Found

404 Not Found


nginx/1.12.2
Lo tin diferente scol y instituto di educacion presente entre otro Colegio San Nicolas, Avond Havo, Openbaar Avond Leergang, Ibero American Highschool, DOC Opleiding, Enseñansa pa Empleo, DPL, Hospital Opleiding, UA, IPA, EPI, Xavier University y University of Curacao.

E feria aki no ta solamente pa alumno di VWO, HAVO, MAVO y EPB cu kier continua un estudio pero tambe pa tur persona cu ta interesa di studia den dia of anochi.

Banda di informacion tocante di estudio lo tin specialista di Wit Gele Kruis y IMSAN presente. Nan lo haci chekeo medico di sanger y presion y duna tips tocante salud pa solamente AWG 5,-. Nos ta encurasha e comunidad di Aruba pa haci uzo di e oportunidad aki di e servicionan cu Wit Gele Kruis y IMSAN ta ofrece.

Ademas ta bay tin demonstracion di Cuerpo Policial, K-9, Mariniers Kazerne y Brandweer. E muchanan por disfruta di e demonstracionnan. Alabes lo tin un huki cu diferente actividad pa nos muchanan entre otro face-painting y dino jump.

Bar y cushina lo ta bon surti. Lo tin algun plato local manera Bbq, johnny cake, saco y mucho mas.

Feria di Educacion y Salud 2015 ta p’esey un dia di informacion educativo y na mesun momento un encuentro cu henter famia. UA, IPA y EPI ta invita e comunidad di Aruba pa asisti na e feria.

Bin y ricibi tur informacion pa scohe pa un bon futuro y biba saludabel.