Colegio EPI

Pa forma profesionalismo y personalidad

Nieuws

Midnight in Paris Charity Ball!

by
webmaster

Kiwanis Circle K di Colegio E.P.I ta presenta nan “Midnight in Paris Charity Ball!”

Circle K ta un organisacion conoci internacionalmente cu ta forma parti di e organisacion Kiwanis International. E meta principal di dicho organisacion ta pa duna ayudo y servicio na nos comunidad den diferente forma. Den apenas un aña y mei Kiwanis Circle K of Colegio E.P.I. a sa di lanta cu un forza incomparabel, logrando diferente projectonan chikito pa recauda fondo pa asina duna back nos comunidad. Entre otro cena cu muchanan di Imeldahof, dunando basket di combestil na esnan den necesidad, organisando projectonan recreativo pa diferente instancianan riba nos isla.

Manera menciona, Kiwanis Circle K of Colegio E.P.I ta un organisacion basta nobo, pero cu un hamber grandi pa duna back na nos comunidad. Pa sigui cu e bon trabao di duna back y organisa projectonan no solamente pa instancianan y famianan den necesidad pero tambe pa yuda aporta na e campus di Colegio E.P.I, e club ta organisando pa segundo biaha nan ‘Charity Ball’ cu e thema “Midnight in Paris”.

Kiwanis Circle K of Colegio E.P.I. ta trahando sumamente duro pa asina duna esnan cu asisti na e evento aki e sentimento cu nan ta na Paris. Pa solamente 100,= florin (pre-sale) Abo lo por atende e fabuloso evento aki cu lo tuma lugar Diasabra, 6 di Juni den e Ballroom di Radisson Aruba Resort, cuminsando for di 7or di Anochi. Dunando oportunidad di pasa riba un redcarpet, saca un potret dilanti un backdrop y un kelki di un special welcome drink. Tambe hors d’oeuvres y dessert durante e evento. E entretenimiento lo ta den man di N’funzion, Buleria, BAMF Starz y mas sorpresa cu lo wordo anuncia durante e simanan venidero.

Ticket ta obtenibel serca tur miembro oficial di Kiwanis Circle K of Colegio E.P.I. of bo por tuma contacto na (+297) 525-8798 of via email circlek@epiaruba.com. Tambe no lubida di bishita nan facebookpage pa asina keda up to date cu tur informacion di e ball y projectonan cu Kiwanis Circle K ta bezig cune “Kiwanis Circle K of Colegio E.P.I.”.

MidnightInParis-5