Colegio EPI

Pa forma profesionalismo y personalidad

Nieuws

Voorlichtingsavond na Colegio EPI diabierna 27 di maart

by
webmaster

Colegio EPI ta organisa diabierna awor 27 di maart su Voorlichtingsavond 2015 caminda lo duna informacion valioso na tur studiante di scolnan secundario. E anochi di informacion lo tuma lugar di 5:30 p.m. pa 8:00 p.m. den e Auditorium di Colegio EPI, caminda cu lo tin varios booth di informacion di e opleidingnan.

Meta principal di e Voorlichtingsavond ta pa informa studiantenan di scolnan secundario EPB, MAVO y HAVO tocante e opleidingnan cu tin na Colegio EPI y kico ta e rekisitonan di admicion. Ta importante pa tene na cuenta cu pa wordo acepta pa un opleiding mester cumpli cu e profiel cu e opleiding ta exigi. Colegio EPI ta encurasha mayornan tambe pa bin cu nan yiunan pa asina duna guia y sosten den nan decision pa escoge un estudio.

Ora un studiante caba Colegio EPI e ta un profesional riba nivel intermedio (MBO). Hopi studiante ta dicidi cu nan kier sigui studia despues riba nivel HBO. Durante e anochi aki e studiante por haya mas informacion tocante esaki y tambe lo tin oportunidad di papia cu studiantenan actual di Colegio EPI y nan experiencia na scol.

Pa e studiante cu ainda no ta sigur den cua ramo e kier sigui studia den futuro, Colegio EPI ta encurashe pa pasa bishita tur e boothnan presente pa asina e por haya informacion di tur opcion cu Colegio EPI ta brinda.

Colegio EPI ta informa cu e gatenan cu lo ta habri ta gate 9 (full banda pariba di campus) y gate 10 (banda di Mc Donald’s Seroe Blanco). Pa mas informacion di e Voorlichtingsavond, un mapa di e campus y Colegio EPI en general por bishita e website na www.epiaruba.com.

Poster