Colegio EPI

Pa forma profesionalismo y personalidad

Nieuws

Anochi di informacion na Hospitalidad & Turismo

by
webmaster

Pa medio di e anuncio aki, Managementteam di Colegio EPI unidad Hospitalidad & Turismo, ta participa na mayornan di studiantenan di e promer y segundo aña di e programa di Hospitality Management (FS program) cu diaranson 25 y diahuebs 26 di Februari 2015 lo tin un anochi informativo pa mayornan hunto cu e studiante. Riba diaranson, 25 di Februari, e sessionnan lo tuma lugar entre 6:00 p.m. te cu 8:30 p.m. pa e klasnan FS3-2A, FS3-2B y FS3-2C. E session cu mayornan y studiante di klasnan FS3-1A, FS3-1B, FS3-1C, FS3-1D, FS3-2D, y FS3-2E lo tuma lugar riba diahuebs, 26 di Februari, entre 6:00 p.m. y 8:30 p.m.

Durante e anochi aki mayornan lo por papia cu e mentornan tocante e progreso educativo di nan yiu. E enfasis lo wordo poni riba loke por wordo implementa pa mantene of mehora e desaroyo di e studiante na scol. Tambe lo ricibi e rapport cu e resultadonan di e ‘Fall Semester’ di e aña escolar aki.

Scol ta spera cu mayornan lo haci bon uso di e oportunidad aki pa asina pone nan mes na altura di e progreso di nan yiu. Ta importante pa e studiantenan tambe ta presente na e anochi informativo aki. Tur mayor y studiante ta wordo spera na e balie di informacion di Unidad Hospitalidad & Turismo riba e fecha menciona. Ta pidi pa tur mayor ta puntual.

Pa percura cu cada session individual cu e mentor bay mas organisa, mayornan por reserva di antemano un orario pa cita door di tuma contacto cu e unidad na number di telefon 6623852 of email na galewjentai@epiaruba.com.

Pa mas informacion por tuma contacto cu Unidad Hospitalidad & Turismo na number di telefon 5258781.

Tags: