Colegio EPI

Pa forma profesionalismo y personalidad

Nieuws

Colegio EPI cu diferente charla riba ‘Purple Friday’ tocante sexualidad, igualdad y discriminacion

by
webmaster

Diabierna ultimo a tuma lugar un “Purple Roulette” na Colegio EPI pa tur studiante di eerste y tweede klas. Meta di e “Purple Roulette” aki tabata pa combina informacion tocante sexualidad, discriminacion y igualdad riba un solo dia cu ta cay riba e internacionalmente celebra “Purple Friday”.

Temanan cu a wordo trata tabata ser bo mes, I love my body, bullying, enfermedadnan transmiti sexualmente, depresion y suicidio, sexualidad, cultura y diversidad, con pa deal cu stress y self esteem.

Hopi studiante a bin bisti na biña pa asina mustra cu nan ta acepta tur studiante sin importa nan orientacion. E dia aki tabata tin un ganador pa e studiante bisti mas original na biña kende a resulta den Anamar Figueroa di Unit Salubridad & Servicio. Masha pabien!

Colegio EPI ta gradici e team completo cu a organisa e evento aki, specialmente Student Council di H&T y Kiwanis Circle K of Colegio EPI. Danki tambe ta bay na tur organisacion y persona cu a participa cu e charlanan esta, sr. Dudley Ferdinandus, Fundacion Famia Planea, Telefon pa Hubentud, sra. Lativa Mercera di Despa, sra. Kim Roels di PAAZ, ALFA, sr. Nelson Gonsales, Tienda di Educacion y sra. Belquis Moreu. Danki special ta bay na sponsornan di e evento esta organisacion ALFA y producto Biore.

This slideshow requires JavaScript.