Colegio EPI

Pa forma profesionalismo y personalidad

Nieuws

BPV (stage) Bureau di Colegio EPI a gradua e prome grupo di Leermeester na Aruba

by
webmaster

Recientemente e prome grupo di Leermeester a wordo certifica door di e BPV (stage) Bureau di Colegio EPI.

For di man di e trainernan di e curso sr. Anthony Figaroa y Sra. Ninon Swean, 9 profesional den e ramo di cuido y servicio a ricibi nan certificado.

E evento aki tabata uno hopi special, mirando cu esaki ta e prome grupo di Leermeester cu a gradua oficial na Aruba. Riba e portret por mira e 9 profesionalnan di Wit Gele Kruis Aruba cu a gradua. E graduadonan ta: Sandra Brown, Magaly Tromp, Ayusca Wernet, Robelka Geerman, Francis Bislip, Alicia Trinidad, Sharella Haynes, Matsy van Oers y Rachelle Hodge.

Ta un profesional na trabou no ta nifica automaticamente cu un persona por comparti e conocemento aki profesionalmente cu un studiante. Pa e motibo aki e training di Leermeester a wordo traha. Desde e aña aki BPV Bureau di Colegio EPI ta ofrece e training di Leermeester. E training aki ta pa tur profesional cu ta guia studiante durante e parti practico (stage) di nan estudio.

Tin hopi necesidad na Aruba pa tin Leermeesters profesional durante stage. BPV Bureau di Colegio EPI ta ofrece e posibilidad pa tur compania na Aruba cu ta traha cu stagiaires ricibi e training aki pa asina nan profesionalnan tambe por bira un Leermeester.

upo ainda pa companianan of profesionalnan cu lo kier participa na e training aki. Esnan interesa di ricibi mas informacion di e training aki por tuma contacto libremente cu BPV Bureau di Colegio EPI, riba e sigiente e-mail adres: bpv@epiaruba.com of por yama na telefon 5258745 of 5258701 y puntra pa Sra. Eddelyn Figaroa-Dijkhoff.