Colegio EPI

Pa forma profesionalismo y personalidad

Nieuws

Colegio EPI unit Ciencia & Tecnologia a tene su Open Dag

by
webmaster

Siman pasa Colegio EPI unit Ciencia & Tecnologia a organisa 2 Open Dag pa e klasnan di tercer aña di scolnan MAVO di Aruba.

E meta di e Open Dag aki ta pa laga e alumnonan di 3e klas MAVO cera conoci cu e diferente opleidingnan tecnico cu Unit Ciencia & Tecnologia ta ofrece cu ta Bouwkunde, Electrotechniek y Werktuigbouwkunde.

Ta trata aki especificamente e alumnonan cu ta hayando Natuurkunde y Wiskunde den nan tercer aña y ta hustamente locual Unit Ciencia & Tecnologia ta exigi como parti di nan pakete di materia pa por drenta nan scol.

Ariba e prome dia a ricibi 410 alumno di scolnan pabou di brug manera La Salle College, Juliana School, Mon Plaisir College y Colegio San Antonio. Ariba e di dos dia a ricibi e scolnan di pariba di brug cu ta John Wesley College, Abraham de Veer School, Colegio San Augustin y Filomena College. Maria College tambe a join e grupo aki pa un totaal di 411 alumno.

For di mainta trempan a cuminsa bishita e diferente klasnan y werkplaatsen di Unit Ciencia & Tecnologia. Pa termina e dianan exitoso aki nan a goza di tremendo musica di un studiante DJ di Unit Ciencia & Tecnologia.

Management, docentenan y demas personal di Unit Ciencia & Tecnologia a keda satisfecho di por a brinda bon informacion di e opleidingnan y ta spera di por a contribui na un bon escogencia di estudio di e alumnonan cu a bishita.

Proximo anochi di informacion di Colegio EPI en general y cu ta habri pa publico en general lo tuma lugar na luna di maart 2014. Pa mas informacion tocante un di e opleidingnan menciona por bishita nos pagina na www.epiaruba.com/opleidingen of yama na 5258750.

 

1461181_539845096091522_748754251_n 1425633_539846432758055_1885882226_n 1383804_539869489422416_678298769_n 560101_539849476091084_2068451240_n