Colegio EPI

Pa forma profesionalismo y personalidad

Nieuws

Colegio EPI unidad Hospitalidad & Turismo cu un anochi di informacion pa mayornan

by
webmaster

Pa medio di e anuncio aki, Managementteam di Colegio EPI unidad Hospitalidad & Turismo ta invita e mayornan di studiantenan di e prome aña di e programanan IE y FS pa un anochi informativo pa mayornan.

Primordialmente lo comparti informacion valioso tocante e aspectonan academico di e estudionan FS & IE. Otro aspecto di hopi importancia cu lo wordo presenta ta desaroyo social, emocional, y profesional como studiante di EPI. Na final ta e oportunidad pa cada mentor wordo introduci na e mayornan. E mentornan ta fungi como un persona sumamente esencial den e guia y desaroyo di e studiante. Pa e motibo aki, Colegio EPI kier crea lasonan estrecho entre e studiante y mentor pero tambe cu e mayornan di e studiantenan.

Managementteam ta spera cu mayornan lo hasi uzo di e oportunidad aki pa asina pone nan mes na haltura di informacionnan valioso cu lo wordo presenta. Studiantenan tambe ta bonbini pa ta presente hunto cu nan mayornan na e ocasion aki.

E fecha lo ta pa studiantenan di Hospitality Management (FS) – Diaranson, 28 di Augustus, 2013 y pa studiantenan di Culinary Arts (IE) – Diahuebs, 29 di Augustus, 2013. Lugar di e anochi di informacion lo ta na EPI Collegezaal (entrada na gate 2, banda pariba di Solarpanels).

E programa di e anochi ta lo siguiente. Pa 6:30 p.m. lo tin informacion academico, 7:00 p.m. lo duna informacion tocante bida di studiante na EPI y pa 7.30 p.m. lo tin e session di introduccion y informacion cu Mentor. E anochi lo termina pa 8:30 pm.

Colegio EPI ta aprecia si mayornan por confirma nan presencia via email galewjentai@epiaruba.com of yama na 5258781 prome cu diamars, 27 di Augustus.