Colegio EPI

Pa forma profesionalismo y personalidad

Nieuws

Colegio EPI a tene encuentro cu stagebedrijven

by
webmaster

404 Not Found

404 Not Found


nginx/1.12.2
Recientemente a tuma lugar den e Auditorium di Colegio EPI un anochi di informacion pa stagebedrijven. Meta di e anochi aki tabata pa introduci un departamento nobo na EPI na e stagebedrijven cu ta haya stagiaires di EPI. E departamento nobo aki yama Stagebureau y ta facilita e stagiaire hunto cu e stagebedrijf cu informacion y guia prome, durante y despues cu un studiante haci su stage na e compania of organisacion.

E stagebureau lo yuda facilita e procesonan  hunto cu e mercado laboral pa studiantenan cu ta graduando. E industria lo haya mas conocemento y mas comprondemento di e sistema di enseñanza na Colegio EPI y lo tin mas influencia riba e calidad di educacion. E studiante lo logra haya mas integracion entre teoria y practica. Di e manera aki e graduado ta bira un profesional mas valioso pa e organisacion mirando cu ta e organisacion mes a colabora na e educacion di e futuro empleado.

Colegio EPI ta trahando estrecho cu Departamento di Enseñanza y KBB Curacao (Kenniscentrum Beroepsonderwijs Bedrijfsleven) pa lanta un centro di conocemento na Aruba di educacion profesional intermedio y mercado laboral. E plataforma aki lo fortalesa e alineacion entre enseñanza profesional y mercado laboral.

Un danki ta bay na Arion Wine Company pa nan contribucion e anochi aki. Pa mas informacion tocante stagebedrijf por tuma contacto cu sra. Eddelyn Figaroa-Dijhoff, coordinadora di Stagebureau na 5258735 of via email na erdijkhoff@epiaruba.com.