Colegio EPI

Pa forma profesionalismo y personalidad

Nieuws

Judson Laipply cu tremendo charla inspiracional na Colegio EPI

by
webmaster

Danki na Quota Club of Aruba

Den un auditorium completamente yen, sr. Judson Laipply di Estados Unidos bou di invitacion di Quota Club a haci un tremendo presentacion cu a captura atencion di tur esnan presente.

Pa di dos aña consecutivo Quota Club a facilita e studiantenan di Colegio EPI cu un charla entretenido, inspiracional y motivante. Sr. Laipply cu su charla interactivo a splica entre otro cu exito den bida ta depende di tuma e decisionnan corecto, siña adapta na cambio y laga los di cosnan cu bo no tin influencia riba nan. Sr. Laipply ta conoci pa su ‘Funny dance’ cu tanto studiante y docente a keda encanta cune.

E charla a wordo presencia den dos tanda pa tur studiante di eerste y tweede jaars di Colegio EPI y tambe pa studiantenan di Universidad di Aruba y hobenan di e projecto Formacion Social di Mariniers Kazerne.

Directiva di Colegio EPI ta gradici Quota Club pa e cooperacion brinda y ta spera di por sigui traha den futuro na bienestar di nos hobenan.