Colegio EPI

Pa forma profesionalismo y personalidad

Nieuws

Colegio EPI ta informa studiantenan tocante e prome dia di scol pa aña escolar nobo

by
webmaster

Pa medio di esaki directiva y management di Colegio EPI ta informa studiantenan di tur unit ariba e prome dia di scol pa aña escolar 2012-2013. Studiantenan mester bin bisti cu nan uniform y trece prueba di pago di collegegeld (si en caso esaki no a wordo entrega ainda).

Siguientemente e fecha y orario di cada unit.

Studiantenan di Unit Ciencia & Tecnologia di semester 1, esta e prome aña, ta wordo spera diaranson 15 di augustus pa 7:30 di mainta. Fechanan 15, 16 y 17 di augustus lo ta dianan di “intake”. Prome dia di scol pa studiantenan di semester 3 lo ta diahuebs 16 di augustus 2012 pa 8or di mainta. Prome dia di scol pa studiantenan di semester 7 lo ta diabierna 17 di augustus 2012 pa 8or di mainta.

Unit Economia ta spera tur studiante diaranson 15 di augustus pa 9or di mainta, caminda lo haya tur informacion tocante mentor, rooster y intake.

Studiantenan di prome aña di Unit Hospitalidad & Turismo lo por registra y haci intake pa aña escolar nobo riba diamars 14 di augustus pa 12or di merdia. Studiantenan di segundo y tercer aña por registra diaranson 15 di augustus entre 10or y 12or di merdia.

Unit Salubridad & Servicio ta spera tur studiante diaranson 15 di augustus, 12or di merdia, caminda cu lo entrega rooster y cera conoci cu mentor di cada klas. Docentenan ta wordo spera 7.30 di mainta.

Pa mas informacion por yama scol na number di telefon 5258720. Directiva y Management ta desea tur studiante hopi exito durante aña escolar nobo 2012-2013!