Colegio EPI

Pa forma profesionalismo y personalidad

Nieuws

Grupo di studante di tercer aña di Enfermeria di Colegio EPI a bishita Miami, Florida.

by
webmaster

404 Not Found

404 Not Found


nginx/1.12.2
Despues di un preparacion extenso un grupo di studiante di e opleiding Verpleegkunde, esta Enfermeria, di Colegio EPI unit Salubridad y Servicio a realisa un biahe pa Miami, Florida. Esaki a tuma luga di dia 22 pa 29 di juni. E excursion aki tabata tin como meta principal pa e studiantenan orienta nan mes ariba un parti di cuido medico.

E grupo a consisti di e siguiente studiantenan: Angelo Alvares, Malou van den Borne, Chinki Figaroa, Dayuri Hart, Arina Hazel, Shari Lacle, Stefhanie Lopez, Jenny Munoz, Amanda van de Pol, Carlos Richardson, Roxan Thode, Nichelle Vlaun, Rachelle Wathey y Suly Wong. Hunto cu e grupo a biaha nan mentor sr. Leo Hazel y begeleider sra. Ninon Swaen.

Dialuna 25 di juni a haci un bishita na Miami Childrens Hospital, na unda a haya un tour di orientacion na e hospital di mucha. Locual a impresiona mas tabata nan atencion pa e famia directo di e mucha ora e ta interna den e hospital. Tambe a haci un bishita na Radio Lolipop, un radio emisora cu su studio ta instala den e hospital. E ta transmiti programanan special pa mucha cu ta interna den e hospital y tambe pa nan famia.

Diamars 26 di juni a bishita Jackson Memorial Hospital. Aki e grupo a wordo bon ricibi pa e staf di educacion. Despues di un bon bini caluroso e grupo por a bay orienta y ricibi splicacion na e hospital psychiatrico di Jackson Memorial. Esaki ta den un edificio independiente cu su propio Departamento di Emergencia pa casonan di persona cu problema mental. Despues a bay orienta na e famoso Trauma Center di Jackson Memorial Hospital cu ta un di e mas miho y conoci di Merca. Aki entre otro por a presencia yegada di un helicopter, riba e helipad di e Trauma Center. E tabata un helicopter militar cu tabata ehecutanto un ‘training mission’. Despues a bishita nan Calamity Control Center. Aki a grupo a haya splicacion di nan ‘contingency plan’ ora di desasternan natural of otro tipo di calamidad. Florida ta wordo confronta frecuentemente cu horcan cu tin biaha ta cauza basta destruccion. E studiantenan a keda hopi empresiona cu e tecnologia sofistica cu ta wordo uza na e hospital aki.

Diaranson 27 di juli a haci un bishita na Baptist Hospital. Aki a haya un splicacion riba nan sistema di cuido y con nan ta haci uzo di entre otro robot pa yuda den e observacion di pashent critico.

Fuera di e bishita na e tres hospitalnan renombra aki, e studiantenan a haya e oportunidad di conoce e bunita cuidad di Miami y su diferente atraccionnan manera South Beach, American Airlines Arena, e cas di e campionnan Americano den basketball ‘Miami Heat’ y hopi mas.

Por bisa cu e excursion aki tabata uno hopi educativo pa e studiantenan. Parti di e proyecto aki ta cu mester haci un presentacion di e excursion. Esaki ta planea pa tuma lugar den October. E grupo de studiante di Enfermeria ta gradici tur esnan cu a kere den e proyecto aki y pa e sosten ricibi. Masha danki.