Colegio EPI

Pa forma profesionalismo y personalidad

Nieuws

Hospitalidad & Turismo a prepara almuerzo pa Prinses Laurentien

by
webmaster

Colegio EPI unit Hospitalidad & Turismo tabata tin e grato placer di a ricibi Princes Laurentien como huesped di honor durante un almuerzo organiza pa Minister di Husticia y Enseñansa mr. drs. Arthur Dowers en conexion cu traduccion y presentacion di su buki na Aruba.

Prinses Laurentien a keda hopi impresiona cu e bon trabou di e studiantenan di prome aña  di e opleiding pa Culinary Arts (Immediate Employment), kendenan a prepara pa e ocasion special aki un menu cu cuminda criollo Arubano.

E studiantenan a cushina bou guia di Chef docentenan Alvin Leest y Oscar Steba. Princes Laurentien a elogia e studiantenan pa e excelente servicio y delicioso almuerzo cu nan a logra prepara den apenas e prome aña di nan estudio.

Pabien na e studiantenan pa nan bon trabou!