Colegio EPI

Pa forma profesionalismo y personalidad

Nieuws

‘Terugkomdag’ di studiantenan riba pasantia di Unit Hospitality & Tourism

by
webmaster
Terugkomdag Unit Hospitality & Tourism

Recientemente a tuma lugar na Colegio EPI Unit Hospitality & Tourism, un asina yama ‘terugkomdag’ di studiantenan cu ta haciendo nan pasantia (stage) na diferente hotelnan o otro organisacion den e industria turistico.

Riba e dia aki studiantenan ta haya charla di profesionalnan di e industria hotelero y tambe ta haya sosten y guia pa cu nan pasantia. E aña aki Ayerim Maduro di Red Sales Sports y tambe Denyse Fingal di White Modern Cuisine a facilita e charla na e studiantenan. Tur dos ta ex-studiante di EPI Hospitality & Tourism, kendenan ta funciona awor como role models pa e actual studiantenan.

Durante e mainta e stagiairenan a bay den e asina yama ‘Circle of Trust’, caminda nan por comparti nan experiencianan bon o menos bon cu nan a encontra na nan lugar di pasantia. Di e manera aki nan por refleha riba nan pasantia y futuro profesion cu nan a escohe pe. A clausura e dia cu un lunch hunto cu nan mentor di klas y demas docentenan.

Terugkomdag Unit Hospitality & Tourism